Prehistoria	imprimir
Con vistas ao atlántico

Calcolítico (2000 a. C.)

O calcolítico é un período no que se empezan a rexistrar cambios sociais e económicos atribuídos á utilización do metal (cobre, ouro, prata) polo poder social que lle outorga a quen o posuía.

A este período corresponden algunhas das modificacións que se realizan nos enterramentos tumulares, diminuíndo o tamaño das cámaras. Nos enxovais rexístranse novos tipos de cerámica como o vaso campaniforme ou a tipo Penha.

Neste momento realízanse os petroglifos, manifestación propiamente galaica e característica da zona costeira. No municipio de Vigo hai catalogadas máis dun centenar de rochas con insculturas.