 | | Parella de bargueños. Ebanista descoñecido. España. s.XVIII. Ferro, madeira e marfil. | A colección de mobles, con diferentes linguaxes estéticas, pero sempre cun grande valor, confórmase como expoñente de época, e permítenos contemplar pezas importantes de grande mestría técnica. O mobiliario que se amosa no Museo, non é orixinal do pazo xa que a doazón que se fai do edificio á cidade non inclúe os bens que albergaba.hey A colección actual é froito de doazóns e compras municipais. Consta basicamente de mobles, alfombras de nó e lámpadas de cristal dos séculos XIX e XX.  | | Alfombra. Real Fábrica de Tapices. 1985 | Presenta un rico repertorio de mobles de asento e de gardar, mesas, espellos e biombos e outros mobles auxiliares. As alfombras proceden de talleres de Oriente Medio (Irán, Turquía, Afganistán) e de talleres españois (Real Fábrica de Tapices). Todos eles están dispostos nos espazos do Museo nun intento de recrear a riqueza dos interiores da vivenda pacega.
| 
imprimir