Pazo e pinacoteca antiga	imprimir
Comedor de Sargadelos

Con probabilidade esta estancia era usada polos marqueses como comedor de diario; entre outras cousas porque comunica directa  e secretamente coa ala onde se ubicaba a cociña.

Comedor de Sargadelos

Nas vitrinas desta sala expóñense pezas variadas da coñecida cerámica galega de Sargadelos, pertencentes na súa maioría, á terceira época (1845-1862), cos seus característicos tons azuis.  Fundamentalmente, trátase de pezas de mesa aínda que hai algúns curiosos exemplos de cerámica con usos distintos a estes. Na mesa, dous floreiros de Sèvres e unha fonte de Limoges.